མ་ཡུམ།

དཔེ་མང་བྲིས་བྲིས་མང་བས་སྨྱུག་ཁ་ཟད་དི།། བློ་སྣ་གཡེང་གཡེང་མང་བས་ད་ནི་ཆད་འདའ།། ཤོག་བུ་ཐ་ཞིང་ཡིན་རུང་རྩམ་དོ་བཅུ་ཁ།། སྨྱུ་གུ་འཇག་རྩྭ་ཡིན་རུང་ཕྱགས་མ་ལོངས་ཚོད།།   གང་བྲིས་གད་སྙིགས་ཡིན་པའི་ཤོག་ཧྲུལ་དེ་ཚོ།། ཅི་བྲིས་རང་འགྲེལ་དགོས་པའི་ལྐོག་ལབ་འདི་དག ། ཡར་དཀྲུག་མར་འཁོན་རྐྱང་གི་དུག་ཚིག་དེ་ཚོ།། གནོད་ལས་ཕན་པ་མེད་ཀྱང་དར་སོ་ཆེ་ཨ།། འབུམ་ཕྲག་པོ་ཏི་ལོངས་པའི་བོད་ཀྱི་མཛོད་ཆེན།། ཕར་བཤུས་ཚུར་བཤུས་དོར་ན་པོ་ཏི་...

༡ བཀའ་ཟུར་དམ་པ་དེ། དགུང་ལོ་བཅོ་བརྒྱད་ནས་བཟུང་བོད་མིའི་བདེན་དོན་འཐབ་རྩོད་དང་། སྤྱི་ཚོགས་ཀྱི་ཕན་བདེའི་ཆེད། ཐོག་མར་སྐད་སྒྱུར་དང་། དེ་ནས་དགེ་རྒན། དགེ་ཆེ། གཞུང་ཞབས་ལས་བྱེད། ཤེས་ཡོན་འགན་འཛིན། ཤར་ཡུ་རོབ་དང་། ཉི་ཧོང་། ཨོ་སི་ཊོ་ལི་ཡ་བཅས་སུ་༸གོང་ས་༸སྐྱབས་མགོན་ཆེན་པོ་མཆོག་གི་སྐུ་ཚབ་དོན་གཅོད་གནང་སྟེ་བགྲེས་ཡོལ་དུ་ཕེབས། དེ་ནས་བཀའ་བློན་དུ་འདེམས་ཐོན་ལྟར་འཕྲོད་བསྟེན་བཀའ་བློན་གནང་བ་བཅས་༸གོང་ས་མཆོག་གི་བཀའ་དགོངས་དང་བ...